Cebu City Mayor Edgar Labella pumanaw sa edad na 70

Pumanaw na ang kasalukuyang alkalde ng Cebu City na si Mayor Edgardo Labella.

Kinumpirma ito ni Cebu City Acting Mayor Mike Rama.

Sa kaniyang post sa Facebook page sinabi ni Rama na nawalan siya ng partner at mabuting kaibigan.

Nagpaabot si Rama ng pakikiramay sa pamilya ng mayor.

Si Labella ay pumanaw Biyernes (Nov. 19) ng madaling araw habang naka-confine sa ospital.

Ilang ulit na ring naghain ng medical leave ang alkalde dahil sa kondisyon ng kaniyang kalusugan.

Noong October nang maghain siya ng indefinite leave of absence batay sa payo ng kaniyang doktor dahil sa sakit na pneumonia. (DDC)