Red Cross tumatanggap na ng walk-in sa kanilang Bakuna Center sa EDSA Boni
Bukas na para sa walk-in ang COVID-19 vaccination ng Philippine Red Cross (PRC) sa EDSA Boni Bakuna Center.
Pwedeng mag-walk in ang mga nasa wastong gulang na nais magpabakuna.
Bukas ang Bakuna Center mula Lunes hanggang Biyernes 9:00 ng umaga hanggang 5:00 ng hapon at kapag Sabado mula 9:00 ng umaga hanggang 12:00 ng tanghali.
Kailangan lamang sundin ang mga requirements:
– Magrehistro sa prcvax.dashlabs.app
– Magparehistro at ipakita ang QR Code sa PRC EDSA Boni Bakuna Center
– Magdala ng sariling ballpen
Payo ni Senator at Red Cross chairman Richard Gordon sa publiko, magpabakuna na upang maging ligtas hindi lamang ang sarili kundi maging ang pamilya laban sa COVID-19. (DDC)
