Meralco may payo sa “Swifties”; pagsasayaw sa kitchen nang bukas ang refrigerator light malakas sa kuryente
May payo ang Meralco sa mga tinaguriang “Swifties” o mga fans ng singer na si Taylor Swift.
Kasunod ito ng mabilis na pagsikat ng kanta ni Swift na “All Too Well”.
Sa nasabing kanta, may bahagi ng lyrics na “We’re dancing around the kitchen in the refrigerator light”.
Ayon sa Meralco, kapag iniwang bukas ang pintuan ng ref at magsayaw habang bukas ang ilaw nito, kokonsumo ito ng P9.79 kada araw.
Sa halip ayon sa Meralco, mas mainam na magsayaw na lamang nang nakasindi ang Christmas lights.
Sinabi ng Meralco, base sa kanilang PowerLab tests, kahit all-night slow dancing pa ang gawin, aabot lamang ng P0.30 / hour ang konsumo. (DDC)
