Magkapatid na opisyal ng Pharmally inaresto ng senado sa Davao Airport; paalis sana patungong Malaysia

Inaresto ng mga senate authorities ang magkapatid na opisyal ng kumpanyang Pharmally na sina Mohit at Twinkle Dargani.

Ang dalawa ay hinuli ng Senate security personnel sa Davao City International Airport habang papasakay sana ng chartered flight patungong Kuala Lumpur, Malaysia.

Dinala ang dalawa sa senate building.

Magugunitang ang magkapatid na Dargani ay pinatawan ng contempt ng senado dahil sa kabiguang makatugon sa subpeona ng Senate Blue Ribbon Committee.

Sila ay kabilang sa iniimbestigahan ng komite hinggil sa iregularidad sa pagbili ng gobyerno ng COVID-19 pandemic supplies sa Pharmally.

Si Mohit ang corporate secretary ng Pharmally habang si Twinkle naman ang presidente ng kumpanya. (DDC)