Code Red ipinatupad sa LRT-2; biyahe ng mga tren inihinto

Walang naging biyahe ang buong linya ng tren ng LRT-2 simula umaga ng Linggo (Nov. 14).

Alas 8:29ng umaga nang magtaas ng Code Red sa LRT-2 at itinigil ang operasyon ng mga tren.

Ayon sa abiso ng Light Rail Transit Authority (LRTA), walang biyahe ang kanilang mga tren mula Recto hanggang Antipolo at pabalik.

Ito ay dahil sa naranasang signaling problem.

Nagtalaga ng mga tauhan mula sa Engineering, Maintenance at Seimens, ang contractor ng Line 2 East Extension Project para maiayos ang problema.

Nadismaya naman ang mga pasahero dahil sa paulit-ulit na ring pagkakaroon ng aberya sa LRT-2. (DDC)