Army chief Andres Centino itinalaga ni Pangulong Duterte bilang bagong AFP chief

Itinalaga ni Pangulong Rodrigo Duterte si Philippine Army chief Lieutenant General Andres Centino bilang bagong chief of staff ng Armed Forces of the Philippines (AFP).

Ang appointment kay Centino ay kinumpirma ng AFP araw ng Biyernes, November 12.

Papalitan ni Centino si outgoing AFP chief of staff, General Jose Faustino Jr., na magreretiro ngayong araw.

Apat na buwan lamang nanilbihan sa tungkulin si Faustino.

Si Centino ang magiging ika-57 AFP chief.

Mahigit dalawang taon na manunungkulan sa pwesto si Centino bago ang pagsapit niya sa mandatory retirement age na 56 sa February 4, 2023. (DDC)