Mayor Sara at PGMA, posibleng nagkausap bago lumipat ang alkalde sa Lakas
‘Close’ sina dating Pang. Gloria Macapagal-Arroyo at Davao City Mayor Sara Duterte.
Sagot ito ni Lakas President at HML Martin Romualdez sa tanong kung nagkaroon ba ng meeting sina PGMA at Mayor Sara bago ito lumipat sa Lakas.
Sa virtual press conference, sinabi ni Romualdez na “from time to time” ay nagkakausap ang dalawa kung saan humihingi ng payo at kumukonsulta ang alkalde sa dating presidente.
Ayon sa kongresista, natuwa at “very proud” sa pag-anib ni Mayor Sara sa Lakas-CMD.
Tiwala anya ang dating pangulo na mas magpapalakas pa sa partido ang pagsama dito ng presidential daughter.
Kaugnay nito’y sinabi ni Romualdez na noong November 9 lang nagsabi si Mayor Sara na lilipat sa kanilang partido bagama’t 2018 pa anya silang may imbitasyon dito. (James Cruz)
