Cateel, Davao Oriental niyanig ng magnitude 4.8 na lindol

Tumama ang magnitude 4.8 na lindol sa lalawigan ng Davao Oriental.

Naitala ng Phivolcs ang pagyanig sa layong 44 kilometers northeast ng bayan ng Cateel alas 12:16 ng tanghali ng Martes, November 8.

Ayon sa Phivolcs, tectonic ang origin ng lindol na may lalim na 31 kilometers.

Naitala ang Intensity III sa sumusunod na mga lugar:

– Cateel, Davao Oriental
– Nabunturan, Maco, at Compostela, Davao de Oro

Hindi naman magdudulot ng pinsala at aftershocks ang naturang pagyanig. (DDC)