Matapos ang mahigit 2-buwan na sunud-sunod na pagtaas sa presyo ng produktong petrolyo; mga kumpanya ng langis magpapatupad naman ng rollback

Sa wakas ay mayroong magandang balita para sa mga motorista ngayong linggo.

Magpapatupad kasi ng rollback sa presyo ng produktong petrolyo ang mga kumpanya ng langis epektibo bukas, November 9.

Ito ay matapos ang mahigit dalawang buwan na mayroong pagtaas sa presyo ng produktong petrolyo sa magkakasunod na linggo.

Sa inilabas na abiso ng mga kumpanya ng langis, may bawas na P1 sa presyo ng bawat litro ng gasolina, 65 centavos ang bawas sa presyo ng kada litro ng kerosene at 60 centavos naman ang bawas sa presyo ng kada litro ng diesel. (DDC)