Aktibong kaso ng COVID-19 sa Navotas City, 18 na lang
Bumaba na sa labingwalo na lamang ang aktibong kaso ng COVID-19 sa Navotas City.
Sa datos ng Navotas City LGU, kahapon, Nov. 7 ay isa lamang ang nadagdag na nagpositibo sa nasabing sakit.
Ang Navotas City ay nakapagtala ng kabuuang 17,581 cases ng COVID-19 kung saan 17,021 dito ang gumaling at 542 ang pumanaw.
Sampung barangay sa lungsod ang COVID-19 free na o wala nang aktibong kaso ng sakit.
Habang walong barangay naman ang may pailan-ilan na aktibong kaso.
Paalala naman ni Navotas City Mayor Toby Tiangco sa mga residente ng lungsod, manatiling maging maingat at laging sumunod sa health and safety protocols. (DDC)
