DOH nakapagtala lamang ng mahigit 2,000 na bagong kaso ng COVID-19; mahigit 3,000 pa ang gumaling

Nakapagtala lamang ng mahigit 2,000 na bagong kaso ng COVID-19 sa bansa.

Ayon sa datos ng Department of Health (DOH) araw ng Linggo, Nov. 7 ay 2,803,213 na ang kabuuang bilang ng kaso ng COVID-19 sa bansa.

Sa magdamag, umabot sa 2,605 ang dagdag na mga kaso.

Sa kabuuang bilang ng COVID-19 cases, 2,725,257 ang gumaling o katumbas ng 97.2 percent makaraang makapagtala pa ng dagdag na 3,109 na gumaling.

33,526 naman ang active cases o katumbas ng 1.2 percent.

Nasa 44,430 ang kabuuang death toll sa bansa o 1.58 percent makaraang makapagtala ng 191 pang pumanaw. (DDC)