BREAKING: DOH nakapagtala lamang ng mahigit 1,500 na bagong kaso ng COVID-19
![BREAKING: DOH nakapagtala lamang ng mahigit 1,500 na bagong kaso ng COVID-19](https://newsflash.ph/wp-content/uploads/2021/04/COVID-19-BREAKING-1.jpg)
Nakapagtala lamang ng mahigit 1,500 na bagong kaso ng COVID-19 sa bansa.
Ayon sa datos ng Department of Health (DOH) araw ng Miyerkules, Nov. 3 ay 2,793,898 na ang kabuuang bilang ng kaso ng COVID-19 sa bansa.
Sa magdamag, umabot sa 1,591 ang dagdag na mga kaso.
Ito na ang pinakamababa simula noong February 24, 2021 kung kailan naitala ang 1,557 na bagong mga kaso ng sakit.
Sa kabuuang bilang ng COVID-19 cases, 2,712,298 ang gumaling o katumbas ng 97.1 percent makaraang makapagtala pa ng dagdag na 4,294 na gumaling.
38,014 naman ang active cases o katumbas ng 1.4 percent.
Nasa 43,586 ang kabuuang death toll sa bansa o 1.56 percent makaraang makapagtala ng 186 pang pumanaw. (DDC)