Consular Office ng DFA sa Ali Mall sa Cubao sarado muna; 5 staff nagpositibo sa COVID-19
Wala munang operasyon ang consular office ng Department of Foreign Affairs (DFA) sa Ali Mall sa Cubao, Quezon City.
Ayon sa abiso ng DFA, sarado ang nasabing consular office mula November 3 hanggang November 5.
Limang staff kasi nito ang nagpositibo sa COVID-19 habang ang iba pang staff ay natukoy bilang close contacts ng mga nagpositibo.
Sasailalim muna sila sa isolation at quarantine.
Ang mga apektadong aplikante ng passport ay makatatanggap ng e-mail mula sa DFA para sa rescheduled appointments. (DDC)
