1 patay, 3 sugatan sa sunog sa Quezon City
Isa ang nasawi habang tatlo pa ang nasugatan sa sunog na naganap sa Quezon City.
Tinupok ng apoy ang isang residential area sa Greenfields III Subdivision sa Brgy. San Agustin, pasado alas 2:00 ng madaling araw.
Ayon sa Bureau of Fire Protection, tumagal lang ng isang oras ang sunog bago tuluyang naapula.
Isang 21-anyos na babae ang pumanaw matapos na ma-trap sa loob ng nasunog nilang bahay.
Ayon sa mga kapitbahay ng biktima bumalik ang babae sa loob ng bahay para kuhanin sana ang mga dokumento at laptop na gamit nya sa online schooling gayunman, bigo na itong makalabs.
Tatlong residente naman ang nasugatan matapos magtamo ng sunog sa katawan.
Iniimbestigahan pa kung ano ang pinagmulan ng apoy.
