2 million doses ng Pfizer COVID-19 vaccine dumating sa bansa

Dumating sa bansa ang mahigit 2 milyong doses pa ng bakuna kontra COVID-19.

Ang 2,098,980 doses ng Pfizer vaccines ay dumating sa bansa Linggo (Oct. 31) ng gabi.

Ang nasabing mga bakuna ay donasyon ng pamahalaan gobyerno ng Estados Unidos.

Nagpasalamat naman si NTF Chief Implementer at vaccine czar Secretary Carlito G. Galvez, Jr. sa US government at sa COVAX facility sa nasabing donasyon.

Sinabi ni Galvez na malaking bagay ang nasabing mga bakuna para sa pormal na pagsisimula ng mass vaccination sa mga edad 12 hanggang 17 sa November 3. (DDC)