DOH nakapagtala lamang ng mahigit 3,600 na bagong kaso ng COVID-19; halos 4,000 pa ang gumaling

Nakapagtala lamang ng mahigit 3,000 na bagong kaso ng COVID-19 sa bansa.

Ayon sa datos ng Department of Health (DOH) araw ng Huwebes, Oct. 28, ay 2,772,491 na ang kabuuang bilang ng kaso ng COVID-19 sa bansa.

Sa magdamag, umabot sa 3,694 ang dagdag na mga kaso. Ito na ang ikalawang sunod na araw na mas mababa sa 4,000 ang bagong kaso ng sakit na naitala sa bansa.

Sa kabuuang bilang ng COVID-19 cases, 2,680,081 ang gumaling o katumbas ng 96.7 percent makaraang makapagtala pa ng dagdag na 3,924 na gumaling.

49,835 naman ang active cases o katumbas ng 1.8 percent.

Nasa 42,575 ang kabuuang death toll sa bansa o 1.53 percent makaraang makapagtala ng 227 pang pumanaw. (DDC)