Coast Guard magtatayo ng Regional Training Center sa Eastern Samar
Nakatakdang magtayo ng Regional Training Center sa Eastern Samar ang Philippine Coast Guard (PCG).
Sa pakikipagpulong kay Eastern Samar Governor Governor Ben Evardone, iprinisinta ni Coast Guard Commander Johansan Fabilane ang panukala para sa itatayong regional training center sa lalawigan.
Layunin ng proyekto na makapag-recruit at makapagsanay ng mga residente ng Estaern Samar at mga kalapit na lalawigan nang hindi na kailangan pang magtungo sa Luzon.
Nagpahayag naman ng buong suporta si Evardone sa panukala.
Inaprubahan din nito ang kahilingan ng Coast Guard na makapaglaan ng lugar para pagtayuan ng training center. (DDC)
