100 percent ng target adult population sa QC fully-vaccinated na

Fully-vaccinated na kontra COVID-19 ang 100 percent ng target adult population sa Quezon City.

Ayon sa Pamahalaang Lungsod, 1,703,329 na ng mga residente at nagtatrabaho sa Quezon City ang nakatanggap na ng full doses ng COVID-19 vaccine.

Katumbas ito ng 100.20 percent ng target adult population sa lungsod.

Nagpasalamat naman ang Pamahalaang Lungsod sa lahat ng doctor, nurses, healthcare workers, staff at volunteers sa kanilang dedikasyon at pagsisikap na mabakunahan ang mga residente ng QC.

Patuloy ang pagbabakuna sa Quezon City kabilang na ang mga menor de edad na mayroong comorbidities.

Maari nang magpareshitro ang mga edad 12 hanggang 17 na mayroong comorbidities sa QCProtekTODO Vax Program. (DDC)