Sa ikasiyam na sunod na linggo, presyo ng produktong petrolyo tataas na naman

Muling tataas ang presyo ng produktong petrolyo ngayong linggo.

Ito na ang ikasiyam na sunod na linggo na mayroong pagtaas sa presyo ng produktong petrolyo ang mga kumpanya ng langis.

Sa abiso ng mga kumpanya ng langis, tataas ng P1.15 ang presyo ng kada litro ng gasolina, P0.55 ang presyo ng kada litro ng kerosene at P0.45 ang itataas sa presyo ng kada litro ng diesel.

Simula noong August 31 umabot na sa halos P8 ang itinaas sa presyo ng kada litro ng diesel; mahigit P6 sa presyo ng kada litro ng gasolina at mahigit P7 sa presyo ng kada litro ng kerosene. (DDC)