Target Herd Immunity sa Batanes malapit nang maabot
Malapit nang mabakunahan kontra COVID-19 ang kabuuan ng Target Herd Immunity sa lalawigan ng Batanes.
Sa datos na inilabas ng Batanes COVID19 Task Group, 11,683 na ng kanilang mga mamamayan ang nabakunahan ng first dose kontra COVID-19.
92.65 percent na ito ng kanilang eligible population o Target Herd Immunity na 12,609.
9,506 naman ang fully-vaccinated na o 75.39 percent ng eligible population.
811 na nasa A1 Priority Group sa Batanes ang nabakunahan na o 99 percent ng kabuuang bilang ng kanilang A1 Priority Group.
Habang 2,270 naman ng A2 Priority group o 98.43 percent ang nabakunahan na. (DDC)
