Nasawi sa Severe Tropical Storm Maring umakyat na sa 40

Umabot na sa 40 ang bilang ng mga nasawi dahil sa Severe Tropical Storm Maring.

Ayon sa datos na inilabas ng National Disaster Risk Reduction and Management Council (NDRRMC), maliban sa 40 na nasawi, mayroon pang 18 na nawawala at 3 naman ang nasugatan.

Umabot sa 158,510 na pamilya o 626,177 na katao ang naapektuhan ng bagyo sa mahigit 1,400 na mga barangay sa bansa.

Ayon pa sa NDRRMC umabot sa 235 na insidente ng pagbaha ang naitala at 59 na iba pang insidente gaya ng landslide, structural fire, downing at iba pa.

Umabot naman na sa mahigit P35 million ang naipamahaging tulong mula sa mga lokal na pamahalaan, DSWD at OCD. (DDC)