Modules, libro, computer sets kabilang sa napinsala sa pagbahang naranasan Cagayan

Ilang paaralan sa lalawigan ng Cagayan ang napinsala din ng bagyong Maring.

Sa mga larawan na ibinahagi ng Cagayan Provincial Information Office, binaha ang Casilagan Primary School sa Buguey, Cagayan.

Pinasok ng tubig-baha ang mga silid-aralan at napinsala ang mga kagamitan.

Makikita ang mga upuan, electric fan at iba pang gamit na nalubog sa baha.

Samantala, inabot din ng tubig baha ang mga gamit gaya ng mga module, libro at computer sa sa Simpatuyo Elementary School, Sta Teresita Cagayan.

Halos hindi na mapakikinabangan ang mga module, at computer na nabalot ng putik dahil sa naranasang pagbaha. (DDC)