Voter registration simula na ulit ngayong araw
Simula ngayong araw ay maari na muling makapagpa-rehistro para makaboto.
Magugunitang pinalawig ng Comelec ang voter registration hanggang sa katapusan ng buwan ng Oktubre.
Simula ngayong araw, October 11 hanggang sa October 30 ay maari na muling magparehistro sa lahat ng Office of the Election Officer at sa mall registration sites.
Ang schedule ay mula Lunes hanggang Biyernes alas 8:00 ng umaga hanggang alas 5:00 ng gabi.
Para naman sa Overseas Voting, pwede pang magparehistro mula October 11 hanggang October 14 sa mga Philippine Embassies at Consulates sa iba’t ibang bahagi ng mundo. At sa MECO para sa mga nasa Taiwan. (DDC)
