Mayor Sara Duterte muling iginiit na tatapusin niya ang huling termino niya sa Davao City

Dahil marami pa rin ang umaasa na maghahain ng Certificate of Candidacy (COC) sa pagka-pangulo si Davao City Mayor Sara Duterte, muli nitong sinabi na tatapusin niya ang huling termino niya sbilang mayor sa lungsod.

Maagang nagtipun-tipon ang mga tagasuporta ni Mayor Sara sa Maynila at sa Pasay City sa pag-asang hahabol ito sa paghahain ng COC ngayong last day ng filing.

Sa kaniyang inilabas na pahayag sa Facebook page, muling iginiit ni Mayor Sara na tatakbo siyang mayor sa Davao City para sa huling termino niya.

Isang karangalan aniya ang ipinakikitang tiwala at respeto ng maraming mamamayan.

Nagpasalamat din siya sa lahat ng nagpaabot ng suporta.

Aniya, karamihan sa mga ito ay hindi naman siya personal na kakilala subalit nagpakita ng pagtitiwala sa kaniya.

“I am presenting myself to the Dabawenyos as Mayor for the third and last time in my life as a politician”.

Apela ni Mayor Sara sa lahat, magkaisa para magkaroon ng malinis, maayos at payapang halalan sa May 2022. (DDC)