Bicol International Airport pormal nang nagbukas
Matapos mabinbin ng labingisang taon, pormal nang nagbukas ang Bicol International Airport.
Ayon sa Department of Transportation (DOTr) handa nang mag-operate para sa commercial at domestic flight operations ang paliparan.
Sa susunod naman na buwan ay bubuksan na ito para sa International flights.
Ang Bicol International Airport sa Daraga, Albay ay mayroong state-of-the-art contactless features.
Ayon kay DOTr Sec. Arthur Tugade, tatlong beses ding nagkaroon ng groundbreaking ceremony sa paliparan pero ngayon lamang natuloy at natapos ang konstruksyon nito.
Tinagurian ang paliparan bilang “Most Scenic Gateway” ng Pilipinas. (DDC)
