126-year old na kampana, ninakaw sa Samar

Ninakaw ang kampana na mahigit isandaang taon na, mula sa Parish of the Holy Child Iglesia Filipina Independiente sa Marabut, Samar.

Nangyari ang pagnanakaw sa kasagsagan ng pananalasa ng Tropical Depression Lannie.

Ang 126-year old na kampana ay ninakaw sa gitna ng nararanasang malakas na buhos ng ulan noong Lunes.

Ayon kay Fr. Jurene Dajotoy, Parish Priest ng simbahan, nai-report na nila sa mga otoridad ang ninakaw na antigong kampana at nire-review na rin ang CCTV footage.

Sinabi ni Dajotoy na mas matanda pa sa kanilang simbahan ang kampana na may nakaukit na 1895.

Nag-alok naman ang parokya sa Samar ng P10,000 sa sinumang makapagbabalik ng antigong kampana sa kanilang simbahan. (Kimberly Cambaya)