Naitalang bagong kaso ng COVID-19 sa bansa umabot sa mahigit 9,000

Nakapagtala ng mahigit 9,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Miyerkules, Oct. 6, ay 2,622,917 na ang kabuuang bilang ng kaso ng COVID-19 sa bansa.

Sa magdamag, umabot sa 9,868 ang dagdag na mga kaso.

Sa kabuuang bilang ng COVID-19 cases, 2,622,917 ang gumaling o katumbas ng 94.2 percent makaraang makapagtala pa ng dagdag na 133 na gumaling.

112,807 naman ang active cases o katumbas ng 4.3 percent.

Nasa 38,828 ang kabuuang death toll sa bansa o 1.48 percent.

Ayon sa DOH ang mababang bilang ng datos ngayong araw ay dahil sa mababang laboratory output noong Lunes, October 4.

Hindi rin nakapagsama ng datos ng mga nasawi dahil sa technical issue pa rin sa COVIDKaya. (DDC)