Mayor Isko Moreno, Dr. Willie Ong naghain na ng COC sa Comelec

Nakapagsumite na ng kanilang kandidatura sa Commission on Elections (Comelec) si Manila Mayor Isko Moreno at ka-tandem nito na si Dr. Willie Ong.

Magkasamang dumating sa Sofitel Philippine Plaza sa Pasay City ang dalawa para isumite ang kanilang COC sa ikaapat na araw na paghahain ng kandidatura para sa 2022 elections.

Si Moreno ang standard bearer ng Aksyon Demokratiko Party bilang presidential candidate.

Magugunitang noong September 22 pormal na inanunsyo ni Moreno na siya ay tatakbong presidente sa 2022 elections.

Sa nakalipas na presidential survey ng Pulse Asia, pumangatlo si Moreno sa pwesto. (DDC)