Dating Pangulo at House Speaker GMA naghain na ng kandidatura sa pagka-kongresista ng Pampanga

Tatakbong muli bilang kinatawan ng 2nd District ng Pampanga si dating Pangulo at dating House Speaker Gloria Macapagal-Arroyo sa 2022 elections.

Ayon kay Rep. Juan Miguel Arroyo, anak ni GMA, siya ang naghain ng cerificate of candidacy para sa kanyang ina noong Biyernes.

Si dating House Speaker na pinatalsik noon na pinalitan ni GMA at Davao del Norte 1st district Rep. Pantaleon Alvarez ay naghain muli ng kandidatura bilang re-electionist.

Si Albay Rep. Joey Salceda ay muli ring tatakbo bilang kinatawan ng 2nd District nf lalawigan.

Si Quezon Rep. Angelina Tan naman ay naghain ng kanyang kandidatura bilang gobernador.

Nakatakda namang maghain ng kanyang COC si House Speaker Lord Allan Velasco na muling tatakbo sa pagka-kongresista ng lalawigan ng Marinduque sa ilalim ng PDP-LABAN.

Kinumpirma naman ni Anakalusugan Rep. Mike Defensor ang pagtakbo bilang alkalde ng Quezon City kung saan magiging vice mayor niya si dating congressman Winston Castelo. (James Cruz)