Pasig City Mayor Vico Sotto naghain na ng kaniyang COC; muling tatakbong mayor sa lungsod

Nagsumite na ng kaniyang Certificate of Candidacy (COC) sa Commission on Elections (Comelec) si Pasig City Mayor Vico Sotto.

Ayon kay Sotto, simula noong 2019,ang laki na ng pagbabagong sa Pasig.

Kabilang dito ang pagbubukas ng procurement/bidding sa [ubliko kung saan ay nasa P1 billion kada taon ang ibinaba ng mga presyo ng mga binibili at ipinapagawa ng LGU.

Aminado din si Sotto na maraming proyekto ang naantala dahil sa pandemya.

Ani Sotto, sa susunod niyang termino, hiling niya ang tulong ng mga residente para mabawi ang oras na ninakaw ng pandemya ng COVID-19.

Sa pagsusumite ng kaniyang COC ay sinamahan si Sotto ng kaniyang magulang na sina Vic Sotto at Coney Reyes. (DDC)