Unang araw ng Oktubre sinalubong ng big time price hike sa LPG

Nagpatupad ng malakihang pagtaas sa presyo ng produktong petrolyo ang mga kumpanya ng langis.

Epektibo alas 12:01 ng madaling araw ngayong Biyernes, October 1 ay tumaas ng P4 ang kada kilo ng LPG ng Petron.

Katumbas ito ng P44 na pagtaas sa presyo ng kada 11-kilogram LPG Cylinder.

Tumaas din ng P2.24 ang kada litro ng Auto LPG ng Petron.

Sa October 8, muling magdaragdag ng P3.40 ang Petron sa kada kilo ng kanilang LPG at P1.90 sa kada litro ng kanilang Auto LPG.

Ang kumpanyang Solane naman naman ay nagpatupad ng dagdag na P4 sa kada kilo ng kanilang LPG epektibo alas 6:00 ng umaga ngayong araw. At dagdag muli na P3.36 kada kilo ng LPG sa October 8.

Ang dagdag presyo ay para sa 5kg, 6kg at 11kg LPG tanks ng Solane.

Samantala ang Phoenix LPG Phils. Inc., may dagdag din na P4 sa kada kilo ng kanilang LPG at P2.25 sa kada litro ng kanilang Auto LPG.

Epektibo ito alas 12:01 ng madaling araw ngayong Biyernes.

Sa October 8 may panibagong dagdag na P3.35 ang Phoenix sa kada kilo ng LPG at P1.90 sa kada litro ng Auto LPG. (DDC)