One-way traffic scheme ipatutupad sa CCP Complex sa kasagsagan ng COC filing
Magpapatupad ng one-way traffic scheme ang Metropolitan Manila Development Authority (MMDA) sa ilang bahagi ng CCP Complex sa kasagsagan ng paghahain ng Certificate of Candidacy.
Sa abiso ng MMDA, simula alas 5:00 ng umaga ng Biyernes, October 1 ay ipatutpuad na ang one-way traffic sa sumusunod na kalsada:
– A. Dela Rama (V. Sotto to Buendia)
– Buendia (A. Dela Rama to Jalandoni)
– Jalandoni (Buendia to V. Sotto)
Paiiralin ito hanggang sa October 8 na huling araw ng paghahain ng COC.
Una nang sinabi ng Commission on Elections (Comelec) na ang paghahain ng COC para sa national candidates ay gagawin sa Hotel Sofitel sa CCP Complex. (DDC)
