LOOK: Angel Locsin nagbahagi ng latest niyang larawan; netizens napansin ang kaniyang pagpayat
Marami ang nagulat sa ibinahaging latest na mga larawan ng aktres na si Angel Locsin.
Nag-post si Locsin ng kaniyang selfie sa kaniyang Instagram Account na mayroong caption na “Remember to love every inch of you”.
Sa nasabing mga larawan, kapansin-pansin ang mas fit na pangangatawan ng aktres.
Maraming kapwa niya aktres ang nag-komento kabilang na sina Angelica Panganiban at Dimples Romana.
Sa kaniyang reply kay Angelica, sinabi ni Angel na dahil lamang sa damit niyang suot kaya naging fit siyang tignan.
Reply naman ni Angel kay Dimples, “kalma angulo lang yan!”.
Hanggang bago mag-tanghali ng Miyerkules (Sept. 22) mayroon nang mahigit 300,000 likes ang post ni Angel. (DDC)
