Halos 19,000 na bagong kaso ng COVID-19 naitala ng DOH

Nakapagtala ng halos 19,000 pang bagong kaso ng COVID-19 sa bansa.

Ayon sa datos ng Department of Health (DOH) araw ng Lunes, Sept. 20 ay umabot na sa 2,385,616 ang kabuuang bilang ng kaso ng COVID-19 sa bansa.

Sa magdamag, umabot sa 18,937 ang dagdag na mga kaso.

Sa kabuuang bilang ng COVID-19 cases, 2,171,832 ang gumaling o katumbas ng 91.0 percent makaraang makapagtala pa ng dagdag na 20,171 na gumaling.

176,850 naman ang active cases o katumbas ng 7.4 percent.

Nasa 36,934 ang kabuuang death toll sa bansa o 1.55 percent makaraang makapagtala ng dagdag na 146 pang nasawi. (DDC)