Pangulong Duterte magsasalita sa United Nations General Assembly
Dadalo sa High-Level General Debate ng 76th Session of the United Nations General Assembly (UNGA) si Pangulong Rodrigo Duterte.
Magaganap ang assembly sa September 21 hanggang 27.
Ayon sa Palasyo ng Malakanyang, magsasalita ang pangulo sa unang araw ng High-Level General Debate sa Sept. 21.
Inaasahang babanggitin ng [angulo ang posisyon ng Pilipinas sa iba’t ibang isyu sa buong mundo.
Kabilang dito ang usapin sa access sa bakuna kontra COVID-19.
Ang UNGA ay main deliberating organ ng United Nations na mayroong 193 member states. (DDC)
