Pre-registration para sa bakuna ng mga edad 12 hanggang 17 binuksan na sa Muntinlupa
Maari nang magparehistro para sa COVID-19 vaccine ang mga edad 12 hanggang 17 sa Muntinlupa City.
Sa abiso ng Pamahalaang Lungsod, maaari nang irehistro ang mga anak na edad 12 hanggang 17 para sa pagpapabakuna kontra COVID-19.
Ito ay upang makabuo na ng masterlist habang hinihintay ang final guidelines at abiso mula sa Department of Health (DOH).
Para magparehistro, kailangang bisitahin ang https://vaccine.muntinlupacity.gov.ph/muncovac at piliin ang kategoryang “C – Rest of Population.”
Hinihikayat ng LGU ang mga magulang na hindi pa bakunado na sumabay na sa mga anak sa pagrerehistro at pagpapabakuna. (DDC)
