Pamahalaang Lungsod ng Maynila nagbabala sa mga ipinakakalat na fake news laban kay Mayor Isko Moreno

Nagbabala ang Pamahalaang Lungsod ng Maynila sa mga ipinakakalat na fake news sa social media laban kay Manila Mayor Isko Moreno.

Ito ay makaraang kumalat sa Facebook ang larawan ni Moreno at may mga katagang “Hindi uubra sa aming mga taga Tondo yang mga taga Mindanao” at “Basta from Visayas and Mindanao hindi pwede papasukin sa Maynila”.

Ani Moreno, kahit ang mga kababayan sa Visayas at Mindanao ay napadalhan ng pamahalaang lungsod ng mga gamot pang-COVID-19, tulad ng Tocilizumab at Remdesivir.

Ani Moreno, ngayong panahon ng pandemya, hangad niya ang pagkakaisa ng bawat Pilipino. (DDC)