Roque: Pasensya naman kayo, tao lamang

Humingi ng paumanhin si Presidential Spokesperson Harry Roque kaugnay sa kumalat niyang video habang nasa pulong ng Inter Agency Task Force kasama ang mga medical expert.

Sa nasabing video, galit at nagtaas ng boses si Roque sa mga doktor na tumututol sa pagpapatupad ng granular lockdown sa Metro Manila.

Sa kaniyang press briefing aminado si Roque na naging emosyonal siya sa nasabing pulong.

Sa mga na-offend aniya, siya ay humihingi ng paumanhin.

Aniya naging emosyonal siiya sa rekomendasyon ng dalawang doktor na mag-impose ng hard ECQ lockdown.

Pero ani Roque, malinaw naman ang mensahe na kailangang pakinggan rin at tugunan ang hanay ng mga nagugutom na dahil sa lockdown.

Sa naturang pulong ng IATF, nagbabala si Philippine College of Physicians president Dr. Maricar Limpin sa posibleng kahinatnan kung luluwagan ang quarantine protocols sa Metro Manila. (DDC)