Tatlong nawawalang mangingisda sa Samar pinaghahanap pa

Patuloy ang search and rescue operations ng Philippine Coast Guard sa tatlong nawawalang mangingisda sa Catbalogan City, Samar.

Nakilalala ang mga nawawalang mangingisda na sina Carpio Labungay at Milan Sano ng Barangay Mombon, Sierra Island, Catbalogan City, Samar, at si Jeffrey Espino ng Barangay Bagacay, Daram, Samar.

Pumalaot ang tatlo kasama ang limang iba pa noong September 6 pero nabigo nang makauwi.

Noong umaga ng September 7, 2021, a natagpuan ang apat sa walong mangingisda sa pampang ng Barangay Losa sa bayan ng Daram.

Lahat sila ay pawang nasa maayos ang kondisyon at nakabalik na sa kanilang pamilya.

Nailigtas naman ng LGU sa Barangay Sto. Niño, Samar ang isa pang mangingisda na maayos din ang kondisyon.

Sa ngayon ay patuloy ang paghahanap sa tatlong nawawala pa.

Inabisuhan na ng PCG Station Western Samar ang mga mangingisda at coastal community residents sa lugar na agad makipag-ugnayan sa mga otoridad kung matatagpuan ang mga ito. (DDC)