Pitong sakay ng nagkaproblemang lantsa sa Palawan nailigtas ng Coast Guard

Nailigtas ng mga tauhan ngPhilippine Coast Guard (PCG) ang pitong sakay ng isang lantsa na nagkaproblema habang nasa karagatang sakop ng Zabala Reef sa Barangay Caramay, Palawan.

Agad nagpadala ng joint search and rescue team ang Coast Guard nang makatanggap ng distress call mula sa ML MRRL.

Nagkaproblema ang propeller ng lantsa habang bumibiyahe patungong Dumaran, Palawan.

Dinala naman sa Roxas Feeder Port ang mga nailigtas na sakay ng lantsa. (DDC)