Anim na pamilya sa Ormoc City inilikas ng Coast Guard matapos makaranas ng pagbaha
Inilkas ng mga tauhan ng Philippine Coast Guard (PCG) ang anim na pamilya na na-trap sa kanilang tahanan sa Brgy. Libertad, Ormoc City.
Nakaranas ng pagbaha sa nasabing barangay dahil sa pag-ulan na dulot ng bagyong Jolina.
Katuwang ang mga tauhan ng Philippine National Police (PNP) at Municipal Disaster Risk Reduction and Management Office (MDRRMO) ay nailikas ang mga pamilya.
Mabilis ang naging pagtaas ng tubig sa barangay at umabot na sa hanggang baywang ang tubig baha. (DDC)
