31 Pinoy na inilikas sa Afghanistan nakauwi na sa bansa

Dumating na sa bansa ang 31 Pinoy na inilikas mula sa Afghanistan.

Ayon sa Department of Foreign Affairs (DFA), dumating sa NAIA Terminal 1 ang mga Pinoy na pansamantalang dinala sa Islamabad, bago bumiyahe patungong Doha, Qatar kung saan doon sila binigyan ng chartered flight pauwi ng Pilipinas.

Ang Office of the Undersecretary for Migrant Workers Affairs (OUMWA), sa pakikipag-ugnayan sa Philippine Embassies sa Pakistan at Qatar ang umasiste sa mga umuwing Pinoy.

Karamihan sa kanila ay nagtrabaho sa iba’t ibang security firms sa Kabul.

Sa kabuuan, ayon sa DFA umabot na sa 138 na Filipinos na inilikas sa Afghanistan ang nakauwi sa bansa.

Mayroon pang 23 Pinoy na nalalabi sa nasabing bansa na kailangang ilikas. (DDC)