Mga tren para sa MRT7 darating na sa susunod na linggo
Magsisimula nang dumating sa susunod na linggo ang unang batch ng mga tren para sa MRT7 Project.
Ayon sa pahayag ng San Miguel Corporation, darating sa bansa ang dalawang train sets na kinapapalooban ng anim na coach galing sa Hyundai Rotem ng South Korea.
Sa mga susunod na buwan ay darating ang mas marami pang train sets at inaasahang aabot sa 108 coaches ang maipapadala sa bansa.
Target ng SMC na makumpleto at makapagsagawa ng test run sa MRT7 sa December 2022.
Ang MRT7 ay pinondohan ng P63 billion na magdudugtong sa North Avenue sa Quezon City at San Jose Del Monte City sa Bulacan. (DDC)
