Go-Duterte tandem sa 2022 elections kinumpirma ni Davao City Mayor Sara Duterte

Kinumpirma ni Davao City Mayor Sara Duterte ang Bong Go at Rodrigo Duterte tandem sa 2022 elections.

Ayon kay Mayor Sara, kamakailan lamang ay personal na kinumpirma sa kaniya ng kaniyang ama na tatakbo itong bise presidente habang si Senator Bong Go ang tatakbong presidente.

Dalawang liham aniya ang natanggap niya noon mula sa kaniyang ama. ang unang note ay ipinapaliwanag sa kaniya kung bakit niya kailangang suportahan ang Go-Duterte tandem at ang ikalawa ay ipinapanukala na kunin niyang running mate si Go kung magpapasya naman siyang tumakbong pangulo.

Sinabi ni Mayor Sara na sinabihan pa niya ang kaniyang ama at si Go na isapubliko ang kanilang pasya na tumakbo sa susunod na eleksyon.

Pinayuhan din umano niya ang dalawa na tigilan na ang pagdadawit sa kaniyang pangalan at paggamit sa kaniya bilang dahilan ng pagpapasya sa kanilang political career.

Kaugnay nito, hiniling din ni Mayor Sara sa mga opisyal ng PDP Laban kabilang si Senator Koko Pimentel na itigil ang paninisi sa kaniya sa hindi magandang sitwasyon ngayon ng political party.

Ani Mayor Sara, hindi siya isang “last two minutes” person at hindi siya papayag na magamit siyang “punching bag” ng magulong partido pulitikal. (DDC)