Isang gusali sa Brgy. Putatan, Muntinlupa isinailalim sa Extreme Localized Community Quarantine
Isinailalim sa Extreme Localized Community Quarantine ang isang gusali sa Brgy. Putatan, Muntinlupa City.
Ayon sa Muntinlupa City LGU, tatagal ang ELCQ sa Building 2 Bliss hanggang alas 6:00 ng gabi ng September 7, 2021.
Bunsod ito ng naitalang mataas na attack rate ng COVID-19 sa Building 2.
Ayon sa LGU, mayroon ding high risk groups gaya ng mga senior citizens at mga kabataan na nasa 5 taong pababa sa nasabing lugar.
Magbibigay ang lokal na pamahalaan at barangay ng ayuda sa kasagsagan ng lockdown.
Magsasagawa rin ng mass testing ang City Health Office at paiigtingin ang detection-isolation-treatment strategy sa naturang lugar. (DDC)
