LGU ng Montalban humirit ng dagdag na suplay ng bakuna sa NTF

Umapela ang pamahalaang bayan ng Montalban sa National Task Force Against COVID-19 ng dagdag ma suplay ng bakuna.

Kahapon nagtungo sa San Mateo, Rizal si NTF chief Implementer at Vaccine Czar Carlito Galvez Jr. para sa symbolic vaccination sa SM San Mateo.

Dumalo sa nasabing event ang mga alkalde ng Montalban at San Mateo, Quezon City at Marikina.

Personal na idinulog ni Montalban Mayor Dennis Hernandez kay Galvez ang kahilingan ng pamahalaang bayan na madagdagan ang suplay ng bakuna sa Montalban.

Marami kasing residente ang ilang buwan nang nagparehistro online pero hindi pa din nababakunahan dahil kulang ang suplay ng bakuna.

Ang ibang residente sa mga kalapit na lugar na lamang nagpapatala para lang makapagpabakuna na.

Batay sa datos ay 53,561 na residente pa lamang sa Montalban ang naturukan ng first dose ng COVID-19 vaccine habang ang 26,837 ang fully vaccinated. (BVD)