13 Pinoy nailikas sa Afghanistan, pansamantalang dinala sa UK

Matagumpay na nailikas ang labingtatlong Pinoy sa Afghanistan.

Ayon sa Department of Foreign Affairs (DFA), dinala sila sa United Kingdom.

Dahil dito mayroon nang 18 Pinoy ngayon sa UK na pawang galing sa Afghanistan na naghihintay ng flight para makauwi ng Pilipinas.

Nagpasalamat din ang DFA sa pamahalaan ng Indonesia sa pagtulong sa limang Pinoy na maisakay sa Indonesian military flight.

Ayon sa DFA, mayroon pang 81 Pinoy sa Afghanistan.

Patuloy ang ginagawang hakbang upang silang lahat ay mailikas. (DDC)