Tatlong establisyimento sa Pasig City pinatawan ng suspensyon dahil sa paglabag sa IATF guidelines
Tatlong establisyimento sa Pasig City ang pinatawan ng suspensyon dahil sa paglabag sa guidelines ng Inter Agency Task Force (IATF).
Ayon kay Pasig City Mayor Vico Sotto, sinuspinde ang business permits ng hindi bababa sa pitong araw ng S.B. Restaurant at F.M. Pares Mami sa Brgy. Sta Lucia dahil sa pagpayag na magkaroon ng dine-in.
Sinuspinde naman ang permit ng K.S. Gym sa Brgy. Manggahan makaraang mahuli ng pulisya ang 32 katao sa loob nito.
Ayon kay Sotto, malinaw na nalabag ang guidelines ng IATF sa pagpapatupad ng Enhanced Community Quarantine bunsod ng nasabing mga insidente. (DDC)
