Mga edad 65 pataas na maghahain ng COC pinayagang lumabas ng IATF
Pinayagan ng Inter Agency Task Force na makalabas ang mga edad 65 pataas na maghahain ng kanilang Certificate of Candidacy.
Ayon kay Presidential Spokesperson Harry Roque, ito ay para personal nilang maihain ang kanilang COC sa national office o sa field offices ng Commission on Elections.
Sa kasagsagan ng filing ng COC mula October 1 hanggang October 8, sila ay isasama sa mga itinuturing na Authorized Persons Outside of Residence o APOR.
Paglilinaw ni Roque, kailangan silang payagang makalabas anuman ang community quarantine classification sa kanilang lugar at anuman ang kanilang vaccination status. (DDC)
