Dayuhan na tumakbo ng hubo’t hubad sa riles ng MRT-3 kakasuhan ng DOTr
Isang dayuhan ang bumaba sa riles ng tren sa MRT 3 Boni Station at tumakbo doon ng hubo’t hubad.
Sa pahayag ni MRT-3 OIC General Manager Asec. Eymard D. Eje nangyari ang insidente alas 5:53 ng umaga ng Huwebes, August 13.
Pumasok aniya sa istasyon ng tren ang dayuhan at nang sumasailalim na sa security checking ay bigla na lang itong naghubad at nanakbo.
Dumeretso ito papasok ng istasyon at tumalon sa riles at saka nanakbo patungo sa direksyon ng Shaw Blvd. Station.
Agad naman siyang nahabol ng apat na security personnel ng Boni Station.
Dinala ang dayuhan sa Mandaluyong Police Station apra sa imbestigasyon.
Nakatakda rin magsampa ng kasong alarms and scandal ang DOTR laban sa pasahero. (DDC)
